An menystrans ledya rag yethow genesik, minoryta ha le- usys yw an Governans Kembrek
Ertach yethoniethel rych an Menystransow Eseli Konsel Predennek-Iwerdhonek yw rann bosek gonisogeth an enesow ma. Yn unn aswon an hwans dhe skoodhya yethow genesik, minoryta ha le-usys (GML) an desten a veu keworrys dhe’n portfolio KPI an ranngylghyow-ober orth an tressa pennkuntelles mis Metheven 2002.
An bagas yethow GML a fogell war Wodhalek Iwerdhon, Kembrek, Godhalek, Albanek, Albanek Uleth, Manowek, Jersyek, Gernesyek ha Kernewek.
An ranngylgh-ober a weres dhe aswon ha kevrenna praktis an gwella dres menystransow-eseli hag yn-mysk kemenethow yethow GML. Orth an 3a kuntellyans menystrek yn Kerdydh an 24ns mis Hedra 2014, menystroryon a akordyas y kodh dhe’n dowlen-ober devedhek rag 2015-16 fogella war:
Dyski yethow GML dhe devesigyon;
marghasans ha nesheansow chanj a fara dhe yethow GML;
an artys ha yethow GML;
technologieth ha media besyel;
an erbysiedh; ha
kemeneth
Dres kuntellyansow rewlys a sodhogyon, an ranngylgh-ober re ordenas kesarethyow rag gwrioryon polici ha praktisyoryon dhe weres orth kevranna praktis da yn-mysk tus a ober y’n ranngylgh yethow GML. Pub kesareth a fogell war rann dhyffrans hwel an ranngylgh ober. Y feu synsys kesareth mis Du 2012 ow fogella war avonsya yethow GML der adhyskans y’n bledhynnyow a-varr. Dewis an profyansow dhyworth an kesareth yw kavadow a-woles. Kesareth war braktis da y’n reythyans ha polici yethow GML a veu synsys yn Dinedin mis Du 2013 – yma manylyon pella orth an mell ma.
An pyth a veu kevys dhyworth an dhiw gesareth a veu prederys orth an tressa kuntellyans ranngylgh ober Menystrek yn Kerdydh hag a veu kaderys gans an Kynsa Menyster a Gembra,
An Enorys Meur Carwyn Jones AM. Derivadow a'n kuntellyans yw: