Lé Gouvernément Gallais est l’administrâtiaon qui meune l’actiaon en vouais des langues dé par ichin, p’tites et mouoïns faetes servi.
Ch’est qu’lé riche héritage lingdistique des Administrâtiaons-és-Membes du Caoncil Britannique-Irlàndais est énne grànd partie d’la tchulture dé ches îles-ichin. Pour l’amour d’ercounnite lé d’sir d’sout’ni les langues dé par ichin, p’tites et mouoïns faetes servi (IPMs) nou z-ajoutit chu tapis-ichin à la courtillie d’navigu’ries à la treisiéme grànd-assembllaïe au meis d’Juin 2002.
La djaine à langues sé d’mente des IPMs siévàntes: l’Iràndais, lé Gallais, l’Ecossais, lé Scots, lé Scots d’Ulster, lé Manais, lé Jèrriais, lé Guernesiais et lé Cornouâlais.
La navigu’rie aïgue à mourtaïr et à châraïr la millaeure pratique à travaers l’s administrâtiaons-és-membes et parmi les coummeunitaïs d’IPMs. A la treisiéme assembllaïe-és-Ministes à Cardiff lé 24 du meis d’Octobe 2014, les Ministes s’mirent à la maeme idée atouor l’programme à travas à v’ni pour 2015-16, ch’tait qu’i devrait sé d’mentaïr des courtis qui siévent:
Décaote des rédgullières assembllaïes d’officiers, la navigu’rie a organisaï des distchuttes pour les disaeurs d’politique et faisaeurs pour encouorâgier la châr’rie d’la bouanne pratique enter les siauns qui naviguent dans la courtillie d’IPMs. Châque distchutte sé d’mente d’aen différent sujet d’la tâque à la navigu’rie. Au meis d’Novembe 2012 nou tint énne distchutte qui sé d’mentit d’la promotiaon des langues dites IPMs par l’mouoyen dé l’éducâtiaon des prumières aunaïes. Aen lot chouaisi dé parmi les persentâtiaons d’la distchutte est à aver ichin bas. Au meis d’Novembe 2013 énne distchutte atouor la bouanne pratique dans la législâtiaon et la politique des langues dites IPMs fut tinse à Edimbourg– pus d’détaïls saont à aver par siére chutte mêle-ichin
Les r’quemàndâtiaons des daeus dischuttes furent caonsidéraï à la treisiéme assembllaïe-és-Ministes d’la navigu’rie qui fut tinse à Cardiff et qui fut présidaï par l’Prumier Ministe dé Galles, lé Bian Hounorâblle Carwyn Jones MA. Les communitchis d’l’assembllaïe saont:
2nd Ministerial Meeting - 24 October 2014
1st Ministerial Meeting - 11 November 2011
