Çhengaghyn dooghyssagh, myn-çhengaghyn as çhengaghyn sloo-ymmydit

She yn Reilltys Bretnagh yn reillys-stiuree son glaraghyn dooghyssagh, myn-earrooagh as sloo-ymmydit.

Ta’n eiraght ghlareydagh verçhagh ec ny reillyssyn ta nyn olteynyn jeh’n Choonceil  Ghoaldagh-Yernagh (CGY) ny ayrn scanshoil jeh cultoor ny h-ellanyn shoh. As ad goaill rish yn yeearree dy chooney lesh glaraghyn dooghyssagh, myn-earrooagh as sloo-ymmydit (DMS) va’n chooish currit er claare-obbyr ny kerrooyn obbyr CGY ec yn trass çhaglym ayns Mean-Souree 2002.

Ta possan ny glaraghyn DMS smooinaghtyn, son y chooid smoo, mychione Yernish, Bretnish, Gaelg ny h-Albey, Baarle ny h-Albey, Baarle ny h-Albey Ultagh, Gaelg, Jèrriais, Guernésiais as Cornish.

Ta’n kerroo obbyr  cooney lesh feddyn as cur magh fysseree mychione ny cliaghtaghyn share ec ny reillyssyn as mastey ny pobblyn ta loayrt ny glareyn DMS. Ec yn trass çhaglym ny shirveishee ayns Cayr Deeth yn chiarroo laa’s feed Jerrey Fouyir 2014, choard ny Shirveishee dy lhisagh yn claare obbyr ry heet son 2015-16 jeeaghyn er:

Ynsaghey ny glaraghyn DMS da sleih aasit;

margeeaght as obbyr ta caghlaa ymmyrkey bentyn rish ny glaraghyn DMS;

ny h-ellynyn as ny glaraghyn DMS;

çhaghnoaylleeaght as ym-ysseraght vun-earrooagh,

yn tarmaynys as yn pobble.

Chammah’s çhaglymyn reiltagh ny fir-oik, ta’n kerroo obbyr er reaghey semineyryn son jeantee polasee as cliaghteyryn cour cur roish-y-cheilley sampleyryn jeh obbyr vie ta goll er jannoo ec sleih ta gobbragh son ny glaraghyn DMS. Ta dagh semineyr smooinaghtyn er un chooish ta çheet fo currymyn yn cherroo obbyr. Hie semineyr er cummal ayns Mee Houney 2012 va smooinaghtyn er cur bree da ny glaraghyn DMS liorish ynsagh ayns ny bleeantyn toshee. Ta kuse jeh ny loayrtyssyn-fysseree ry-gheddyn heese. Ayns Mee Houney 2013, hie semineyr  er cummal ayns Doon Edin er cliaghtaghyn mie bentyn da jannoo leighyn as polaseeyn foayssagh da ny glaraghyn DMS. Ta tooilley fysseree  ry-gheddyn ec y chiangley shoh

Hie briwnyssyn veih’n daa hemineyr shoh fo scrutaghtey ec yn trass çhaglym jeh kerroo obbyr ny Shirveishee hie er cummal ayns Cayr Deeth fo stiurey Preeu-Hirveishagh Vretin, yn Rt Hon Carwyn Jones AM. Shoh ny çhaghteraghtyn veih’n çhaglym:

 

2nd Ministerial Meeting - 24 October 2014

1st Ministerial Meeting - 11 November 2011