| Having
problems viewing |
English Version
|
|
|
|
Parc Cathays, Caerdydd. Pencadlys Llywodraeth Cynulliad Cymru, yn y ganolfan ddinesig Edwardaidd hynod yng Nghaerdydd. |
Castell Carreg Cennen, Sir Gaerfyrddin. Mae'r castell yn dyddio o'r 13eg a'r 14eg ganrif, ac mae bellach yng ngofal Cadw, sef asiantaeth dreftadaeth Llywodraeth Cynulliad Cymru. Llun h. 2001 Cadw: Welsh Historic Monuments. |
Prifddinas : Caerdydd
Llywodraeth : Mae Cymru'n rhan o'r DU ac mae Senedd y DU'n parhau i ddeddfu dros Gymru. Yn sgil Refferendwm Medi 1997 o blaid datganoli dros Gymru, pasiwyd Deddf Llywodraeth Cymru ym mis Gorffennaf 1998 yn nodi pwerau a swyddogaethau Cynulliad Cenedlaethol Cymru.
Cynhaliwyd etholiadau cyntaf y Cynulliad ym mis Mai 1999. Mae'r Cynulliad yn cynnwys 60 Aelod o'r Cynulliad (ACau). Etholir ACau o dan system cynrychiolaeth gyfrannol: Mae 40 yn cynrychioli etholaeth benodol ac mae 20 yn cynrychioli'r 5 rhanbarth etholiadol (4 AC i bob rhanbarth). Cynhelir etholiadau bob pedair blynedd.
Mae gan y Cynulliad gyfrifoldeb dros y canlynol:
• Amaethyddiaeth
• henebion ac adeiladau hanesyddol
• diwylliant
• datblygu economaidd
• addysg a hyfforddiant
• yr amgylchedd
• iechyd a gwasanaethau iechyd
• priffyrdd
• tai
• diwydiant
• llywodraeth leol
• gwasanaethau cymdeithasol
• chwaraeon a hamdden
• twristiaeth
• cynllunio gwlad a thref
• trafnidiaeth a ffyrdd
• yr iaith Gymraeg
Mae Gweinidogion y DU'n parhau i fod yn gyfrifol am faterion nad ydynt wedi'u dirprwyo i'r Cynulliad, megis polisi tramor, trethu a nawdd cymdeithasol
Manylion cyswllt : Os hoffech wybod rhagor am Gymru, ewch i www.cymru.gov.uk