Hamelt, minority an less-yaised leids.

The fouthie linguistic heritage o the British–Irish Cooncil Memmer Administrations is a wechty pairt of the culture o thir islands. In recognition o the ettle tae uphaud hamelt, minority and lesser-yaissed (IML) leids, the topic wis eikit on til the BIC portfolio o wirk sectors at the third summit in June 2002.

The IML leids group concentrates on Irish, Welsh, Gaelic, Scots, Ulster Scots, Manx, Jèrriais, Guernesiais an Cornish.

The wark sector helps tae identifee and dale best practice ower the memmer administrations an amang IML leid communities. At the 3rd meenisterial meetin in Cardiff on 24th October 2014, Meenisters greed the forrit wark programme for 2015-16 shuid focus on:

Lairnin o IML leids tae adults;
merketin and havins chynge approaches til IML leids;
the airts and IML leids;
technology and digital media,
the economy; an
community

Forbye regular officials’ meetins, the wark sector haes organised seminars for policy makkers an practitioners tae help dale guid practice amang fowk wha wirk in the IML leids sector. Ilka seminar focuses on a different area o the wark sector’s remit. A seminar wis hauden in Novemmer 2012 focusin on heizin IML leids thro early years education. A walin o the presentations fae the seminar is available ablow. A seminar on guid practice in IML leids legislation an policy wis hauden in Edinburgh in Novemmer 2013- mair details is at this link

The finndins fae baith seminars wis conseidered at the third Meenisterial wark sector meetin hauden in Cardiff and chairit by the First Meenister o Wales, the Rt Hon Carwyn Jones AM. The communiques o the meetin is:

2nd Ministerial Meeting - 24 October 2014

1st Ministerial Meeting - 11 November 2011